Amaro celo kodi si, hoj kasavi cini bar te keras, savi zhanel maj te zhutil kodole chaladonge, kon kamenas flori te baraven thaj kado zhanipe majdur te bararen. Tela programo le shavore thaj lenge deja pinzharen kodi, hoj sar shaj bararen flori, thaj pitaraki bar te keren. Le kethanipeske manusha, butyara zhutinen kadala butya, savenca o gav majzhuvindo avla, barol kodo shajipe hoj le terne ando gav te ashen, zurajvel le gavesko turizmushi. Kamasas vi marketingo te das perdal kodolenge, kon kamen te pinzharen amare programura. Sperantasaras, hoj primavarasa kethane shaj dikhas le Muzeumoske fruktonge kashta, flori sar luludyaren.
|
|
 |
 |
|
