Ando nakhlo bersh jivendesa inke na sas gata amaro kher „Alkotóház”, de amen mashar le shushe cignenge ziduri milajine kheldam, thaj kathe inkerdam le krechunesko baro dyes. Kathar o Baptista Organizacija xutyildam podarki, so le shavore xutyilde. Anda amare love ratyako xaben kiradam, so le shavore le phurenge kaj le khera ingerdine vi kadalesa avri te sikavas lenge amaro kamipe, thaj grizhipe. Le majbare jekh angle dipe dine anglal le shavorenge, savo bari voja kerdas sakonenge. Najisaripe phirel kodolen, kon ando „Alkotóház” anda jilo keren butyi, e Margitake, thaj e Ribizlake kaj kirade, e Memijake, Petiske, Davideske, Melindake thaj e Andijake kaj sakofelo ande pesko vast inkerdas.
|
|
 |
 |
|
